Sain Records

MAHARISHI - PLAN B

MAHARISHI - PLAN B

Dechreuodd y grwp Maharishi yn wreiddiol wrth i Rich Durrell , Euron Jones a Gwilym Davies gyfarfod yn y Coleg ym Mangor yn 1998.
Bu Rhodri (Pwdin) Evans yn chwarae’r allweddellau am gyfnod o tua dwy flynedd, ac mae’r band bellach ar eu pedwerydd drymar mewn 7 mlynedd sef Danny Morrison. Gadawodd y drymar gwreiddiol Eurig Jones yn fuan ar ôl sefydlu’r band a daeth Rhydwen Mitchell i gymryd ei le. Yn ystod y cyfnod hwn gyda Mitch recordiwyd dau albwm rhwng 1998 a 1999. Y cyntaf oedd Stafell Llawn Mwg a gafodd yr enw ar ôl gig myglyd ym Mhorthmadog pan lanwodd yr ystafell gyda mwg gwyn wedi i’r peiriant mwg sticio gan achosi panic yn y gynulleidfa.
Recordiwyd a chynhyrchwyd Stafell Llawn Mwg gyda Les Morrison yn stiwdio SAIN, Llandwrog. Yn sgil yr albwm enillodd Maharishi wobr ‘Band y Flwyddyn’ yng ngwobrau roc a pop Radio Cymru 2000.
Enillodd y gan ‘Ty ar y Mynydd’ oddi ar yr albwm brif wobr ‘Mawredd Mawr’ Radio Cymru yn 2003.
Erbyn recordio’r ail albwm roedd Maharishi yn enw cyfarwydd yn y sin roc Gymraeg. Ond wrth i amser yn y coleg ddod i derfyn, gadawodd Mitch y drymar ynghanol recordio’r ail albwm ‘ Merry-go-round’. Recordiwyd hon mewn stiwdio newydd yn Waunfawr ger Caernarfon gyda Les Morrison a Sam Durrant.
Yn sgil y caneuon Saesneg ar ‘Merry-go-round’ cafodd Maharishi eu noddi gan y cwmni dillad mynydda ‘Stone Monkey’ a thrwy’r cwmni hwn cawsant gigs yn Llundain.
Wrth gigio a hyrwyddo’r ail albwm, ymunodd y drymiwr roc caled Dion Hughes o Fethesda i’r band. Yn ystod y cyfnod yma symudodd y band lawr i Gaerdydd a recordiwyd yr EP ‘Keep your ears to the Ground’ yn ‘Le Mons’ Casnewydd ac yn stiwdio SAIN, Llandwrog gyda’r cynhyrchydd Mark Roberts gynt o Catatonia. Hefyd ymunodd Danny Morrison i’r band fel y pedwerydd drymar!
Dwy flynedd yn ddiweddarach mae’r band newydd orffen eu 3ydd albym sef ‘Plan B’.

Rhestr y Traciau

  1. LAUARA LLOYD
  2. POULTRY IN MOTION
  3. DELI SHELLEY
  4. JENNY WANTS LOVE
  5. DOMB
  6. JAFF
  7. SOMEWHERE NEW
  8. BAEDD CAERDYDD
  9. MIND SAYS SUN
  10. CODADYFFON
  11. WHEN'S YOUR HUSBAND COMING HOME?
  12. OFN NEIDIO

Mewn Stoc
£5.99 £12.98

  • Rhifnod : CRAI CD103
  • Label: Sain
  • Genre: Pop
  • Fformat: Album
  • Dyddiad Rhyddhau: 2005

Language

English

Fy Masged

Eitem : 0 | Gwerth : £0.00

Twitter @Sainrecords