Sain Records

Côr Meibion Bro Aled - Seiniau Hiraethog

Côr Meibion Bro Aled - Seiniau Hiraethog

Mae Bro Aled yn glwstwr o gymunedau gwledig yng nghesail Mynydd Hiraethog. Dyma’r ardal sy’n cydio dyffrynnoedd Conwy a Chlwyd, a dyma ardal aelodau’r Côr – ardal Seiniau Hiraethog, ein 5ed casgliad o ganeuon.

Hon hefyd oedd ardal Gwilym Hiraethog, y bardd a’r pregethwr, y mae ei emyn enwog ‘Dyma gariad fel y moroedd’ i’w gael yn ein casgliad. Diolch i Robat Arwyn am wneud trefniant mor wych o’r emyn inni. Diolch hefyd i Tecwyn a Rhiannon Ifan am y gân rymus ‘Peidio dysgu rhyfel mwy’ sy’n ein hatgoffa am oferedd y Rhyfel Mawr a phob rhyfel arall.

Dros Fynydd Hiraethog y daeth Angharad Ellis, ein harweinyddes ifanc ddawnus atom o Uwchaled. Rydym mor ffodus yn elwa o’i sgiliau cerddorol a’i brwdfrydedd heintus. Gyda hi ym mhob ymarfer a chyngerdd, bydd dawns bysedd Annwen Mair ar y piano yn ysbrydoli ein canu. Yn gefn i’r ddwy, mae gofal Ann Evans, a fu’n cyfeilio ac yn geidwad copïau ers sefydlu’r Côr yn 1976. Hwy ydy’r ‘A Team’ sy’n ceisio cadw trefn arnom!

Bu’n gyfnod cyffrous yn hanes y Côr, a chawsom lawer o bleser yn perfformio’r caneuon yn y casgliad hwn wrth gadw cyngherddau, cystadlu mewn eisteddfodau, a mynd ar deithiau i Baris, Llydaw a’r Alban. Drwy fanteisio a’r gyfleusterau ac arbenigedd ardderchog Sain, gallwn yn awr rannu’r caneuon amrywiol gyda chwithau. Yn y tyˆ ac yn y car, gobeithio’n wir y cewch bleser yn gwrando ar ein seiniau Hiraethog.

Rhestr y Traciau

  1. Dyma Gariad Fel y Moroedd
  2. Peidio Dysgu Rhyfel Mwy
  3. Bendigedig
  4. Y Tangnefeddwyr
  5. Do You Hear the People Sing?
  6. Eryr Pengwern
  7. Y Weddi
  8. Hafan Gobaith
  9. Fy Mhlentyn
  10. Dyrchefir Fi
  11. Rhythm y Ddawns
  12. Bythol Olau
  13. Breuddwydio Wnes
  14. Cân y Medd

Lawrlwytho Yn Unig
£12.98

  • Rhifnod : Sain SCD2713
  • Label: Sain
  • Genre: Choir
  • Fformat: Album
  • Dyddiad Rhyddhau: 2015

Language

English

Fy Masged

Eitem : 0 | Gwerth : £0.00

Twitter @Sainrecords